Wines That RockvaD HIvje’ tIpep!

 

Hov leng ghIrep HIqmey veb luchenmoH ‘e’ maq Wines That Rock, Hov leng naH HIqmey chenmoHwI’. DIS 2019 Sauvignon Blanc le’ yughbogh yuQjIjDIvI’ ghIrep HIq le”e’ choqlu’bogh mIr cha’DIch tu’lu’ ‘ej qIb naQDaq vIlle’ pIlmoHbejbogh tlhIngan ‘Iw HIq Doj’e’ tu’lu’.

<<cha’ Hov leng ghIrep HIqmey chu’ DIchenmoHmeH vumchuq van’a’ Qapbogh renwI’ma”e’, Hov leng pInpu’, tlhIngan pInpu’ je. Hemqu’ malja’ naQ.>> jatlh Wines That Rock DevwI’ Howard Jackowitz. <<‘eybogh ghIrep HIq le”e’ wIneHbogh ‘ej wItIvbogh ‘ej boSlaHbogh vay’ wIchenmoH reH ‘e’ ‘oH Qu’maj’e’. ‘ach Hov leng ghIrep naHmey mIr cha’DIch wIchenmoHtaHvIS wInIDqu’chu’. ghIrep HIq Dun wIneHbogh wIlIngmeH DIS 2020 Wine Enthusiast’s <<loSmaH ben chaHbogh loSmaH wejwa’-chenmoHwI’>> Andrew Nelson, ghIrep HIq chenmoHwI’, wImuvmoH. Dunqu’ gher’ID.>>

ngebHa’ luneHqu’mo’ tlhIngan ‘Iw HIq luchenmoHtaHvIS, Hov leng pInpu’ tlhIngan tIgh pInpu’ je Suqpu’ Wines That Rock. bal wIvlu’ ‘ej tlhIngan Hol wIvlu’ ‘ej renlu’ ‘e’ luboQ pInpu’ ‘ej tlhIngan tIgh qun je luQIj.

<<qaStaHvIS poH law’ tIgh lugh qun lugh je DIQul ‘e’ luboQ tlhIngan HIvwI’ ghom DevwI’pu’ tlhIngan Hol yejHaD DevwI’pu’ je. ghIq tu’qom wIbuSpu’. ghItlhwI’ mIw le’ vIchenmoHpu’. bal pervaD SIr’o’ rurmoH ‘ej nur SuqmoH,>> jatlh Criag Spurrier, Wines That Rock rIqwI’a’. <<tlhIngan naH HIq chenmoHwI’ Dun mIw tIQ DIquvmoH wIneHmo’ lurDech ngembogh ‘Iw HIqvam DIchenmoHmeH Cabernet Sauvignon ghIrep naHmey le’ DIlo’pu’. wejwa’ HoS lIngmeH ‘ej balDaq Doqqu’moHmeH ghIrep naHmey DIQorghqu’. vIlle’pu’vaD mermeH pegh le’ So’lu’bogh wIchelpu’. loS qorghwI’mey le’ DIchenmoH. Hoch qorghwI’Daq tlhIngan vIttlhegh ghItlhlu’. E2 Family WineryDaq ghopDu’ DIlo’taHvIS Hoch balmey DIteb ‘ej  DIngaQmoHmeH req wIlo’.>>

<<Dunbogh ghIrep HIq chu’ luchenmoHtaHvIS Wines That Rock vItlhejlaHmo’ jIquv,>> jatlh Chris Lipscombe (qurgh lungqIj), tlhIngan HIvwI’ ghom (KAG) DevwI’, tlhIngan Hol yejHaD (KLI) DevwI’Hom je. <<tlhIngan tIgh qun je lughoj luneHqu’chu’mo’ Dunqu’ ‘ej ‘Iw HIqvam lutIvmeH ‘eb ghaj Hoch tlhIngan SuvwI’pu’ ‘e’ vItul. ‘IwlIj jachjaj!>>

‘el yuDjIjDIvI’ ghIrep HIq puq poH veb. Sauvignon Blanc ‘oH ‘ej chenmoHmeH ‘ev bIQ’a’ HeH ghIrep naHmey lo’lu’. muD ‘umber tuj naHmey ‘epIn naH chIS je pIw ghaj ghIrep HIq Dun ‘ej na’ran Seghmey pIm rur wejwa’Daj. Hoch balmeyDaq mI’ pIm ghItlhlu’. yuQjIjDIvI’ Old Vine Zinfandel qoch mojmeH renlu’. ‘ejyo’ Degh rur tu’qomDaj rutlh perDaj le’ je. Hov leng puq poH veb HIp van tu’qomDaj. yuQjIjDIvI’ wanI’meyDaq gharwI’ rIpmeyDaq DIvI’ yej qepmeyDaq je DIvI’ nuv potlhvaD jablu’meH bal ‘IH ghIrep HIq Dun je wIchenmoH. DIvI’ Qu’ qun je vuv cha’ HIqvam. DI’ruj mojpu’ wontoyvetlh ‘ej qIbDaq rIbpu’.

DaH cha’ ghIrep HIqmey chu’ DIS vorgh Chateau Picard Cru Bordeaux yuQjIjDIvI’ Old Vine Zinfandel je Daje’meH startrekwines.com yISuch! vay’ Hov leng no’laSpa’ tlhejchu’!